கிம் கி டுக் கொரிய மொழி திரைப்பட இயக்குனர். இவரது Spring,Summer,Fall, Winter...and Spring படம் பார்க்க தற்செயலாக நேர்ந்தது. படம் ஆரம்பம் முதலே படத்தின் மேல் ஒரு ஈர்ப்பு, ஆர்வம். படம் ஆரம்பிக்கும் விதம் அதன் இசை, ஒளிப்பதிவு அனைத்தும் அருமை. பிறகு இவரது படங்களை பார்க்க ஆர்வம் ஏற்பட்டது. Time , 3-Iron, The isle என சில படங்கள் மட்டும் பார்த்தேன்.The isle - இந்தத் திரைப்படம் உலகின் பார்க்கவே முடியாத குரூரமான முதல் பத்து படங்களின் வரிசையில் இடம்பிடித்திருக்கிறது. இந்த படம் முழுவதுமே ஒரு ஏரியில்தான் நடக்கிறது . நதியிலிருந்து ஒருவன் வெளிப்படுவான்.அடர்த்தியாய் உயரமாய் வளர்ந்திருக்கும் பசும் புற்களினுள் நுழைந்து காணாமல் போவான்.நதியும்,பசும்புற்களும் அவனுமாய் அவளின் யோனிக்குள் உள்ளடங்கி இருப்பதாய் காட்சி அவளின் உடலில் சுருங்கும். நீரில் மூழ்கியிருக்கும் அவளது வெற்றுடலின் யோனிக்குள் இன்னொரு நதியும்,நெடிதுயர்ந்த பசும்புற்களும்,அவளின் காதலனும் பத்திரமாய் இருப்பதாக இந்த திரைப்படம் முடியும்.
ஏரியின் நடுவே ஒன்றிரண்டு படகு வீடுகள் உள்ளன. அதில் ஒரு படகின் சொந்தக்காரி Hee-jin. படகில் அவ்வீடுகளுக்கு மனிதர்களையும்,உணவுகளையும்,இன்பத்தையும் கொண்டு செல்வது அவள் வேலை. அவர்களுக்கு செக்ஸ் தொழிலாளிகளை வரவழைத்துக் கொடுப்பதும் Hee-Jinன் வேலைதான். சமயங்களில் அவளே அவர்களுக்கு வேசியாக இருப்பதும் உண்டு.
Hyun-shik என்ற இளைஞன் இங்கே படகு வீட்டில் தற்கொலைக்கு முயற்சி செய்கிறான் .நாலைந்து கொக்கிகள் கொண்ட மீன் தூண்டிலை உள் தொண்டைக்குள் விட்டு அதன் கயிற்றால் தூண்டிலை வெளியே இழுக்கிறான். ரத்த வெள்ளத்தில் கிடக்கும் அவன் தொண்டைக்குள்ளிருந்து குறடு மூலமாகக் கொக்கிகளை எடுத்து விட்டு, புண் ஆறுவதற்காக வாயில் ஒரு குச்சியை வைத்து வாயை மூடாமலேயே வைத்திருக்கச் செய்கிறாள் Hee-Jin.
ஒருமுறை அவன் அவளிடம் செக்ஸ் வைத்துக் கொள்ள முயற்சி செய்யும் போது, அவள் அதைத் தவிர்த்து விட்டு கரையிலிருந்து ஒரு வேசியை அழைத்து வருகிறாள். அந்த வேசியிடம் மற்ற வாடிக்கையாளர்களைப் போல் செக்ஸ் மட்டுமே வைத்துக் கொள்ளாமல் அவளோடு சிநேகபூர்வமாக இருக்கிறான் Hyun-shik . அவளுக்கு அது பிடித்திருக்கவே அவனைத் தேடி அந்தப் படகு வீட்டுக்கு அடிக்கடி வரத் தொடங்குகிறாள். அதைப் பார்த்து அவள் மீது பொறாமை கொள்ளும் Hee-Jin அந்த வேசியை ஏரியில் மூழ்கடித்துக் கொன்று விட்டு Hyun-Shik க்குடன் நெருங்கிப் பழகுகிறாள்.
வேசியைக் காணாமல் அவளைத் தேடி வரும் அவளுடைய ஏஜண்டையும் ஏரியில் மூழ்கடித்துக் கொன்று விடுகிறாள் Hee-Jin.
அந்த நிலையில் ஏரியிலிருந்து புறப்பட்டுக் கரைக்குச் சென்று விட விரும்புகிறான் Hyun-Shik . Hee-Jin அதைத் தடுக்கிறாள். Hyun-Shik அவளுக்குத் தெரியாமல் நீந்தியே சென்று விட முயலும் போது நீரில் மூழ்கிவிடப் பார்க்கும் அவனை Hee-Jin காப்பாற்றுகிறாள். ஆனால் அடுத்த முறை, அவன் படகிலேயே கரைக்குச் சென்று விட முயல்கிறான். Hyun-Shik தன்னை விட்டுப் பிரிந்து செல்வதைத் தாங்க முடியாத Hee-Jin மீன் தூண்டிலை எடுத்துத் தன்னுடைய யோனியின் உள்பகுதியில் விட்டு மாட்டி, அதை அந்தத் தூண்டில் கயிற்றின் மூலம் வெளியே எடுத்துத் தற்கொலை செய்து கொள்ள முயல்கிறாள். இந்த முறை Hyun-Shik அவளைக் காப்பாற்றுகிறான். அவளுடைய யோனிக்குள் சிறிய கிடுக்கியை விட்டு அந்தத் தூண்டில் கொக்கிகளை ஒவ்வொன்றாக எடுக்கிறான். பிறகு, புண் ஆறுவதற்காக யோனி வாயை மூடாமலேயே தொடைகளை அகற்றி வைத்துக் கொள்ள வேண்டியிருக்கிறது அவளுக்கு. காயத்தில் மருந்து போட்டு விசிறி விடுகிறான் Hyun-Shik.
அப்போது வேறொரு படகில் ஒரு பயணியின் கைக்கடிகாரத்தை அவன் அழைத்து வந்த செக்ஸ் தொழிலாளி தவறுதலாக ஏரியில் தள்ளி விட்டு விடுகிறாள். அந்தப் பயணி நீரில் மூழ்குபவர்களை அமர்த்தி கடிகாரத்தைத் தேடும் போது Hee-Jinனால் மூழ்கடிக்கப்பட்ட இருவரின் பிரேதங்களும் கிடைக்கின்றன. பனி சூழ்ந்த அந்த ஏரியிலிருந்து ஹ்யூன் ஷிக்கும், ஹீ ஜின்னும் ஒரு படகில் ஒன்றாகக் கரைக்குப் பயணப் படுகிறார்கள் என்று முடிகிறது படம்.
படத்தின் வசனத்தை அரைப் பக்கத்தில் எழுதி விடலாம். Hee-Jinனின் தனிமைதான் படத்தின் முக்கியமான உள்ளீடு. பனி சூழ்ந்த அந்தப் பிரம்மாண்டமான ஏரியும், அதில் நிழல் வடிவமாகத் தெரியும் ஓரிரண்டு படகு வீடுகளும் Hee-Jinனின் தனிமையை மிக அற்புதமாகக் காட்சிப் படுத்துகின்றன.
Trailer :
Jafar Panahi என்ற ஈரானிய இயக்குனர் இயக்கிய திரைப்படம். Mina என்ற பள்ளிச்சிறுமி பள்ளி முடிந்து தனது தாயாருக்காக காத்திருகிறாள். Minaவின் தாய் வராததால் Mina தானாகவே வீட்டிற்கு செல்லலாம் என்று பேருந்து நிலையம் சென்றடைகிறாள். ஒரு பேருந்தில் ஏறுகிறாள் ஆனால் அந்த பேருந்து வேறு ஒரு வழித்தடத்தில் சென்று விடுகிறது. கடைசியாக இந்த சிறுமி மட்டும் பேருந்தில் இருந்து இறங்காததை கண்ட பேருந்து ஊழியர் அவளிடம் விவரம் கேட்கிறார் பிறகு தனது சகஊழியர் ஒருவரிடம் சொல்லி அந்த சிறுமியை அவள் போக வேண்டிய இடத்தில் இறக்கிவிட சொல்கிறார்.
